自家制芝士蕃茄腸仔洋蔥長通粉

好耐無自己煮野食啦，今日心情靚靚，煮番個芝士、蕃茄、腸仔、洋蔥長通粉食先。

蕃茄先用熱水過過去皮，切碎洋蔥，腸仔切粒，長通粉煮到七成軟。先炒香切碎洋蔥，跟住炒腸仔，放長通粉同去皮蕃茄，加入蕃茄汁，黑胡椒，炒熟上碟再加碎芝士，好味的芝士蕃茄腸仔洋蔥長通粉就完成啦。

唔使出去食咁貴，同餐廳d無乜分別。健康有益。