大家楽打邊爐

原本諗住買個飯盒番屋企食，去到大家楽，見有得打邊爐，好耐無打邊爐啦，一於今晚打邊爐啦！

佢好咗係一人份量邊爐，如果出外打，一定要多人打先可叫到多d野食，自己一個就唔得。

唔好睇佢咁，都幾飽架，平時個餐跟烏冬，今次跟面，仲有一碟看似豬油醬料，用泥煑面食，話乜野曰式湯面，但係我覺麻麻地好食，烏冬好味d.

一個人想打邊爐，大家楽都幾好！

食魚生會生絳蟲

一向喜歡食魚生壽司的我，前兩天又去咗元氣食壽司，一個人在bar 枱，慢慢選擇想食的壽司，多寫意！

我最中意食三文魚，可以食好多碟，仲有佢d元氣卷，芝士卷，甜蝦壽司，佢既三文魚頭湯好好飲，每次必叫！仲有就係加州手卷！蒸蛋添。食完真係大滿足。

不過回到家中睇報紙，話食魚生好易生絳蟲，d 蟲係體內唔易清除！

話説有個超中意食魚生的順德男子，突然腹痛，一照x-ray, 全身佈滿絳蟲，睇完佢張相真係好驚，睇怕係時候減食魚生啦！

生記靚粥

大家有無食過生記d粥呢？講起生記，原來好出名同埋係一間老字號的粥店。中環，上環都有鋪頭。

一向無乜留意，有一曰路經鰂魚湧，見有一間粥店，咪入去幫襯，朋友叫咗個魚腩粥，由於我怕腥，我叫咗個鯪魚球粥。朋友個魚腩粥超多魚腩，仲係好靚的魚，朋友話一d都唔腥，好好味。到我個鯪魚球粥上枱，一碗粥有成7粒鯪魚球，粒粒唔細，粥好滑，好鮮甜，鯪魚球一d都唔腥，好彈牙，非常好味！

佢最好就係有分袖珍裝同大碗，我叫果碗係袖珍裝，$25碗，但都好大碗，單食一碗粥巳飽哂！

睇番間店名，原來係生記，唔怪得咁好食！佢其他粥都唔錯

太興的開心大盆菜

中秋節，全家人回來吃飯，我地訂咗太興的開心大盆菜。

上次端午節見到太興有盆菜訂，見佢影出泥好多野食，咪試嚇！之前訂過美心，大家楽等等，份量唔足，個盆菜都無乜料，要自己外買鳮，燒肉，好唔抵，又唔平。其實我家人個個唔大食，但都唔夠食！

但太興盆菜真係好足料，除咗一大盆食物外，還有金茹，旺菜，支竹等另上。

盆菜有鮑魚，蝦，大冬菇，燒肉，鳮，鵝，福包，蘿白，豬皮。。。

好地都食唔哂！味道幾好，都係$1680.- 12人食，但12人一定食唔哂。下次大家可試試。

自家制芝士蕃茄腸仔洋蔥長通粉

好耐無自己煮野食啦，今日心情靚靚，煮番個芝士、蕃茄、腸仔、洋蔥長通粉食先。

蕃茄先用熱水過過去皮，切碎洋蔥，腸仔切粒，長通粉煮到七成軟。先炒香切碎洋蔥，跟住炒腸仔，放長通粉同去皮蕃茄，加入蕃茄汁，黑胡椒，炒熟上碟再加碎芝士，好味的芝士蕃茄腸仔洋蔥長通粉就完成啦。

唔使出去食咁貴，同餐廳d無乜分別。健康有益。

又一淪陷地點 @ IKEA

今日見得閒, 諗住去IKEA 買返個櫃用嚟放我d寶貝, 點知一入到門口就見到群情洶湧, 好似唔洗錢咁, 勁多人....

一入去SOFA區, 簡直要用恐怖嚟形容, 全院滿座, 真係想試既都無位俾你試.....食野既食野, 訓教既訓教, 傾計既傾計....

之後再到床區, 情況一樣....只係床大d, 坐既人咪可以多d囉, 最o岩一大班朋友....

本來想買個櫃,點知唔再出, 要等到7月中先有, 唉....早知唔鬼黎....無啦啦同班人逼一餐...

最後, 買左包瑞典肉丸, 叫做有d收獲, 呵呵.....

Hifu 高能聚焦超聲波美容 @香港皮膚中心

可能以前成日蒲,晚晚劈酒,三十幾歲人,個樣殘咗好多,塊面ｄ虎紋深咗...

我做化妝sales呢行,個樣好緊要,化濃妝都唔係辦法,ｄ紋始終現出嚟,皮膚又無彈性...

最慘行埋班後生同事度,個個都係18,22不知幾青春,我簡直無晒說服力,點ｓａｌｅ化妝品護膚品呀....

上個月睇雜誌見到部高能聚焦超聲波美容,話可以令皮膚有番彈性兼去皺,又有國際認證,見咁正即刻上網search,上咗去尖咀間香港皮膚中心試試,果度有醫生比較放心.....

呢部就係Hifu機

醫生話半年做3次療程就ok,keep兩年,依家做咗第1次,已經feel到皮膚無咁暗啞,醫生話過多幾個月,膠原蛋白增生後,效果仲好....

同事見到我都話我個人有番神采,問我做過ｄ咩......呵呵

希望快d做晒療程啦.....

又是一個人的浪漫 @ Home

好攰丫!! 真係好攰....今日有個同事sick leave, 要踩whole...

剛剛先收工~ 忍唔住要買壽司黎慰勞下自己



記得以前成日都食壽司...依家要食都要夜媽媽先有得食

真可憐!!!

點解要咁辛苦返工, 個樣愈黎愈殘, 都怪自己唔比心機讀書

無得好似人地咁輕鬆返朝9晚6....

唉....食飽又要快快上床訓啦

噢...成身黑哂

玩樂過後既待價....成身黑哂....

唉...下次都係唔好搵d咁既野玩....

我要好耐先白得返....仲出哂雀斑添....

激死我啦....

點解d人天生麗質...唔洗出雀斑?

可以白雪雪,滑溜溜咁好...

唔制呀...又要洗一大筆去美白啦....

我都好想可以好似人地咁...同陽光玩遊戲~~~

摸蜆日@ 水口

今日難得好天...同班fd入水口摸蜆....

好多人問我水口係邊, 其實係東涌近住去昂平電梯個個位有個車站搭11號車就得架啦...

入到去係勁曬同勁熱囉....真係有d後悔..哈哈

不過摸到個陣真係好興奮....超high呀....

你地睇下....摸到咁多蜆呀....



而且仲有好多牛牛係度...好得意架...



之後仲可以俾人即刻抄黎食....正呀...

自己摸返黎既....特別好食!!

yeahhhhh.....

超人系列- 哥斯拉

朋友話好想睇哥斯拉...幾經波折....今日終於睇到

不過真係好爆笑....好似以前細個睇咸蛋超人打怪獸咁

只係哥斯拉做左超人既角色...

做左市民英雄....哈哈哈

諗起都覺得好好笑....真係好爆

都唔知個人點樣諗出黎...定係佢太鐘意睇超人...哈哈

母親節Buffet @ L Hotel

今日同母親女王去食buffet....

佢不知幾開心....一早就到左....

好耐同屋企人食buffet....佢地成日話哂錢...

不過今日正日黎講...4百幾蚊都幾平...可能唔係市區既關係

不過真係一分錢一分貨...

無咩好食....

去左食面...都係第一次食buffet要食面...哈哈





雖然選擇唔多, 但味道係唔錯的!!

最後既甜品section係最滿意架...

有豆腐花....超正....

仲有movenpick雪糕....其他甜品都係好好味...

難得有buffet既甜品咁好食!!



母親女王.... 母親節快樂呀!!

無下次@樂意餐廳

今日相約幾個姊妹去据扒, 結果激到一肚氣~

本來聽講呢間老牌扒房質素唔錯, 於是諗住去支持下本土餐廳...

點知,去到一坐低已經開始火黎...我地叫左一支sparkling 一支 still water...

結果個waiter完全無理會就行開左....之後再叫第2個waiter~

今次好快黎到, 但係佢竟然拎左1支sparkling同1支watson's既細樽水俾我....

我心諗, 你唔係覺得我會俾幾十蚊黎飲watson's水嗎? 我已經禁住自己唔出聲~

點知都未嬲完,佢就倒瀉水....唉....真係呢~~~

之後叫人黎落單, 個個都話等一等, 等到隔離枱都有野食,我地都仲未落到單....!!!

之後全程都係要3催4請..."幫你跟一跟" 應該係佢地既口頭禪~

差唔多2個鐘之後, 啲牛終於黎, 味道唔錯,幾好食....啲牛真係ok既...

最後等左半個鐘先埋到單, 嘩....個碟得6舊既3文魚剌身, 竟然要$220~

真係太誇張啦嘛....個5隻蜆要$160...每人盛惠$600

真係立即OMG....都怪自己無問價錢~不過真係好過去搶....

總結係D牛係好食, 呢個價錢係OK,不過其他食物就好貴...而且質素一般....無下次呀!

天才小廚師是我!!

琴日阿爸話想我煮飯俾佢食....我就乖乖地落咗街市買送....

餐單係蒜香炒椰菜 ...好簡單, 

1.炒香蒜蓉, 

2.加椰菜,

3. 炒到所有椰菜都有油, 

4.焗佢30秒, 

5.炒至燜身, 食得!

豉椒炒蜆, 

1.炒香蒜頭同蔥, 

2.加蜆, 

3. d蜆開殼後埋"獻", 又得咗

黑椒豬手, 係sogo買, 加熱食得....呵呵呵

再見我的伴侶

陪咗我8年既電腦終於死左機,任何方法都開唔到啦,好彩之前都有keep起d野,如果唔係就俾佢飛起....

於是今日去左買部新既,依家d notebook真係好平...4,5千都有一部好好既機...同以前相比,真係差9丈遠

個樣都靚仔過以前呢部....哈哈