一向喜歡食魚生壽司的我,前兩天又去咗元氣食壽司,一個人在bar 枱,慢慢選擇想食的壽司,多寫意!
我最中意食三文魚,可以食好多碟,仲有佢d元氣卷,芝士卷,甜蝦壽司,佢既三文魚頭湯好好飲,每次必叫!仲有就係加州手卷!蒸蛋添。食完真係大滿足。
不過回到家中睇報紙,話食魚生好易生絳蟲,d 蟲係體內唔易清除!
話説有個超中意食魚生的順德男子,突然腹痛,一照x-ray, 全身佈滿絳蟲,睇完佢張相真係好驚,睇怕係時候減食魚生啦!
大家有無食過生記d粥呢?講起生記,原來好出名同埋係一間老字號的粥店。中環,上環都有鋪頭。
一向無乜留意,有一曰路經鰂魚湧,見有一間粥店,咪入去幫襯,朋友叫咗個魚腩粥,由於我怕腥,我叫咗個鯪魚球粥。朋友個魚腩粥超多魚腩,仲係好靚的魚,朋友話一d都唔腥,好好味。到我個鯪魚球粥上枱,一碗粥有成7粒鯪魚球,粒粒唔細,粥好滑,好鮮甜,鯪魚球一d都唔腥,好彈牙,非常好味!
佢最好就係有分袖珍裝同大碗,我叫果碗係袖珍裝,$25碗,但都好大碗,單食一碗粥巳飽哂!
睇番間店名,原來係生記,唔怪得咁好食!佢其他粥都唔錯
中秋節,全家人回來吃飯,我地訂咗太興的開心大盆菜。
上次端午節見到太興有盆菜訂,見佢影出泥好多野食,咪試嚇!之前訂過美心,大家楽等等,份量唔足,個盆菜都無乜料,要自己外買鳮,燒肉,好唔抵,又唔平。其實我家人個個唔大食,但都唔夠食!
但太興盆菜真係好足料,除咗一大盆食物外,還有金茹,旺菜,支竹等另上。
盆菜有鮑魚,蝦,大冬菇,燒肉,鳮,鵝,福包,蘿白,豬皮。。。
好地都食唔哂!味道幾好,都係$1680.- 12人食,但12人一定食唔哂。下次大家可試試。